June 21, 2024 (Friday) @ 10:00 a.m. – 4:00 p.m. Loon Town Square
Ang Provincial Government of Bohol, pinaagi sa Bohol Economic Development and Investment Promotion Office kun BEDIPO, nakiglambigit sa atong Local Government Unit sa pagpahigayon og usa ka adlaw nga Abante Negosyo Caravan o Bohol Business One-Stop Shop (BOSS) Caravan aron himoong mas duol ug mas sayon ang pagpangalagad sa mga ahensya sa gobyerno ngadto sa katawhan, sama sa pagrehistro sa mga negosyo ug mga kapunungan (NGO, PO, etc.), paglukat og mga lisensiya, pagsusi sa mga bayranan sa buhis ug insurance, ug uban pa. Mao kini ang imbitado nga mga government agencies:
- Department of Trade and Industry (DTI)
- Social Security System (SSS)
- PAG-Ibig Fund
- Philippine Health Insurance Corporation (PhilHealth)
- Securities and Exchange Commission (SEC)
- Bureau of Internal Revenue (BIR)
- Department of Labor and Employment (DOLE)
- Department of the Interior and Local Government (DILG)
- The Land Transportation Office (LTO)
- Philippine Statistics Authority (PSA)
- The Professional Regulation Commission (PRC)
- Government Service Insurance System (GSIS)
Busa, kon aduna kitay mga katuyoan sa nahisgotang mga government agencies, pahimuslan ta kining talagsaong kahigayonan. Sa laing bahin, atong ipahibalo puhon ang uban pang mga government agencies nga posibleng mo-apil sa Abante Negosyo Caravan. Alang sa dugang nga kasayuran, mahimong makigkita sa tinugyanan sa Go Negosyo Center nga anaa nahimutang sa atong Municipal Library and Information Center sa Moto Sur, ug sa Business Permit and Licensing Office nga anaa sa atong munisipyo; o magpakisayod kang William S. Agbon, ang atong Local Economic Development and Investment Promotion Officer sa 09507935198.
![](https://www.loon.gov.ph/wp-content/uploads/2024/06/caravan1-785x1024.png)